الرئيسية » أقلام حرّة » الخبزة مُرّة…L’agora

الخبزة مُرّة…L’agora

 الحاصيلو بلادنا تونس بلاد العجايب والغرايب : من جهة غارقين الهوني في المصايب وعايشين بالسلف ونهزّو ساق تغرق لُخرى وآخر الأخير ولّينا ناقصين دوايات والّي عندنا ما يكفّيناش أكثر من شهرين والناس بدات تموت في السبيطارات من قلة الدوايات ومن جهة أخرى نهزّو في بطولات عالمية… هاو درة زروق انتخبوها أكثر مرا عربية أناقة وهاو المهندس رضا دمق اخترع حاجة ما ثمّاش في الدنيا والجمعة الّي تعدات هزينا في جربة بطولة عالمية جديدة… تونس جات الاولى في المهرجان العالمي للخبز… ثلاثة أنواع متاع خبز جاو لولانين : خبز الطابونة بالكليل والفاكية وخبز الغرايف بالتمر والسمن والبطبوط بحبة الحلاوة… الله مصلي على النبي

على كل حال موش ما عندنا كان الهزايم عندنا زادة انتصارات والحمد لله وانتصار في الخبز عندو نكهة خاصة… الخبز هو رمز الحياة يا خويا !

أما خسارة… شطر القمح الّي نعملو به في الخبز موش من ارضنا ! أما من أمريكا

خسارة حتى كي نفوزو بحويجة تطلع ناقصة… ماكذبش الّي قال «الخبزة مرّة».

الشارع المغاربي

اضف رد

لن يتم نشر البريد الإلكتروني . الحقول المطلوبة مشار لها بـ *

*

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

x

‎قد يُعجبك أيضاً

عاجل/(بيان) – جامعة الثانوي تصدر بيانا جديدا حول جلسة التفاوض الاخيرة..وهذا ما تقرر..