هناء بوجبلي تتهم المكلف بالاعلام بالبرلمان بفبركة مقطع فيديو فاضح

 

تداول روّاد مواقع التواصل الاجتماعي يوم الاثنين 4 مارس 2019 مقطع فيديو مسرّب لمحادثات بين النائب ياسين العياري والطالبة هناء البوجبلي.

وقد كشفت هذه المحادثات أن علاقة حميميّة تجمع بين الطرفين وليست مجرّد تبنّي لقضيّتها.

ومن جانبها نشرت هناء البوجبلي مقطع فيديو على صفحتها بوقع التواصل الاجتماعي “فايسبوك” أكدت من خلاله أنه قد تمّ شنّ هذه الحملة ضدّها بعد أن كشفت ملفّ فساد اداري صلب المجلس، مشيرة أن المكلف بالاعلام حسّان الفطحلّي هو من فبرك مقطع الفيديو المذكور لتوريطها.

ويذكر أن النائب ياسين العيّاري نشر تدوينة اتّهم فيها المكلّف بالاعلام  حسّان الفطحلّي بالتحرش والتحيّل على طالبة تدعى هناء البوجبلي.

وكتبت هناء بوجبلي التدوينة التالية على صفحتها بالفايسبوك :
” لآن و قد هدأت العاصفة، و شبع الجميع من أكل عرضي، إسمحوا لي أن أوضح الأمور، لمن يهمه الأمر.

سأبدأ بالقضية الأصل، القضية التي عومتموها و حاولتم تغطيتها يا معشر الصحافيين، بإسم التضامن القطاعي.

كل ما ذكره السيد النائب ياسين العياري صحيح!
نعم تحيل علي “عرفي” حسان الفطحلي.
نعم عملت 15 شهر، بلاش.
نعم تحرش بي و بإلحاح.. قداش من مرة سمعت في وذني :”أقعد امخر، توة نوصلك مبعد”
نعم ما سمعني حتى حد.
تحبوا تعرفوا علاش مشيت للسيد النائب ياسين العياري؟
خليني نقلكم : كل النواب الي مشيتلهم قبله صدوني، ما حبوش مشاكل، ما حبوش يخسرو صديق و واحد يخدمو معاه لأجل طفلة صغيرة
شكون قلي إمشيله؟ الناس الي تخدم في المجلس، كل موظف عنده مشكلة يمشي لياسين العياري، خاطره ما يحقرش و يسمع الناس الكل و يعاون الناس الكل
الوحيد الي كيف يدخل للمجلس يسلم باليد على كل العملة و الخدامة.

علاش ما قتلوش إني معرسة؟ عمرو ما سألني و عمرو ما حكى معايا حاجة غير الي صار في حكايتي.
ريت برشة بنات سبوني و نهشوا عرضي بالباطل…
خلي نحكيو على الفيديوات.
ثبتوا مليح في التصويرة، الي مدور هذاكا اسمه وايز
موجود على ارديناتورات الخدمة، ارديناتورات الفضاء الإعلامي لمجلس نواب الشعب، وين يخدم حسان الفطحلي..والي هو مسؤول على ذلك الفضاء . غادي تفبركت الفيديوات..
باهي زيدو شوفو التصاور هاذم.
عرفي يطلب في كلمة المرور لحاسوبي الشخصي، عطيته ياخي اش عمل ؟ سرقلي تصاور خاصة
باهي شوفو التصاور الأخرانين، شوفو شكون يبعث في الفيديوات
حسان الفطحلي شخصيا، يبعث فيهم للي يقله يا “متحرش”
هذا حسان الي يشكروا “زملائه” في أخلاقه : يبعث في فيديوات فيهم صور مرا، صور سرقها هو و فبركها.
حرام عليه و حرام عليكم الكل!
راجلي الي يخدم علي و على عايلته، وجعتوه و مسختوه
عايلتي وجعتوهم
الوحيد الي وقف مع مرا و عمل ضد الظلم الي تعرضتله عركة حتى حد غيره ما كان مستعد يعملها، شوهتوه بالباطل.
و هذا الكل علاش؟
باش تمنعو انسان ظلمني، غشني، كلالي عرقي، و تحرش بيا
و الي يوجع أكثر.. هو انه الي شاركو في هذا بنات، ربما تحرشو بيهم و ظلموهم و عاناو، و علاش؟ بإسم التضامن القطاعي أو السياسة.
علاش المرا كيف اتدافع على حقها، تشوهوها بحكايات جنسية، كان جات صحيحة ما تعنيكمش خلي و هي غالطة، مبفركة!
مانيش بش نسلم في حقي!
القضايا ضد المجلس و ضد الفطحلي للتحرش، للتحيل، للفيديوات الحقيرة المزيفة الي نشرها و فبركها بش نرفعها و نتبعها
كان هو مسنود من القصبة و من بعض الصحافيات و بعض النواب، انا مسنودة من عند رب العالمين.”

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: